Ректор КРнын КЭРдеги толук жана ыйгарым укуктуу элчиси менен жолукту

2023-06-11 12:29:53 93

КРнын КЭРдеги толук жана ыйгарым укуктуу элчиси Актилек Мусаева менен ректор Кудайберди Кожобеков, Кыргыз-Кытай факультетинин деканы Токтосун Айтикеев жана «кытай тили жана кытай таануу» кафедрасынын башчысы Абдыкулов Марат менен жолугуп, пикир алышышты. Мында эки тарап ОшМУда Лубан институтун ачуу тууралуу жана кытай тилдүү адистерди даярдоо тууралуу сүйлөшүштү. Элчи айым Кытайда өндүрүштүн көптөгөн тармагында өзгөчө тоо кен, логистика, экономика, юридика багыттарындагы кытай тилин мыкты билген кесипкөй адистерге суроо талап күч экендигин баса белгиледи. Ошондой эле элчилик тараптан ОшМУда Лубан институтун ачуу боюнча бардык керектүү колдоолор көрсөтүлөрүн билдирип, ОшМУнун жалпы жамаатына ийгиликтерди каалады. Андан сырткары К. Кожобеков жана Кыргыз-Кытай факультетинин деканы Токтосун Айтикеев, Бээжин шаарындагы Эл аралык кытай тили фондунун төрагасынын орун басары Жао Линшан мырза менен жолукту. Жолугушуу учурунда ОшМУнун Конфуций институтунун ишмердүүлүгү жана мындан ары өнүгүү пландары талкууланды. Төраганын орун басары Жао Линшан мырза Конфуций институтунун ишмердүүлүгүн жогору баалап, Кыргызстанда ОшМУ кытай тилинен котормочу жана кытай таануучу адистерди даярдап жаткандыгы үчүн ыраазычылык билдирди.