Кытай тили – түстүү кыялдарды жандырган тил

2026-04-21 04:33:45 25

20-апрелде Ош мамлекеттик университетинин Конфуций институтунда Эл аралык кытай тили күнү “Кытай тили – түстүү кыялдарды жандырган тил” аттуу майрамдык иш-чара болуп өттү. Ага окутуучулар, студенттер, окуучулар жана ата-энелер катышып, кытай тили жана маданияты менен таанышышты. Иш-чарада куттуктоо сөздөр айтылып, кытай тилинин мааниси жана жаштар үчүн мүмкүнчүлүктөрү баса белгиленди. Концерттик программада бий, ыр, кытай өнөрлөрү жана кытай улуттук кийимдеринин көрсөтмөсү тартууланды. Ошондой эле каллиграфия, кагаз кесүү, сүрөт жана чай аземи сыяктуу маданий бурчтар уюштурулуп, катышуучулар кытай маданиятын жакындан сезишти. Бул иш-чара маданий байланыштарды чыңдоого чоң салым кошту.