Кыргыз-Кытай факультетинин 3-курсунун Филология багытынын студенттери үчүн кесиптик-базалык практика башталды.

2025-04-02 10:25:41 48

Кыргыз-Кытай факультетинин 3-курсунун Филология багытынын студенттери үчүн кесиптик-базалык практика башталды. Алар 7-апрелден 10-майга чейин практикадан өтүп, алган теориялык билимдерин иш жүзүндө колдонуп, практикалык көндүмдөрүн өнүктүрүшөт. Практикага чыгууга даярдык көрүү максатында студенттер чакан конференция өткөрүшүп, анын алкагында алдыдагы иш-аракеттер, практиканын максаттары жана милдеттери талкууланды. Иш-чарада студенттерге багыт берүүчү тажрыйбалуу жетекчилер катышып, практиканын жүрүшү, талаптары жана милдеттери боюнча кеңири түшүндүрмө беришти. Кыргыз-Кытай факультетинин Кытай тили жана кытай таануу кафедрасынан Каримов Кыяз, Шеранова Нуржамал жана Төрөкелди кызы Азиза практика жетекчилери катары бекитилген эле. Алар студенттерге кесиптик көндүмдөрдү өнүктүрүү, иш процессине көнүү жана билимди практикада бекемдөө боюнча пайдалуу кеңештерин беришти. Ал эми Педагогика кафедрасынан студенттерге п.и.к., доцент Жутанова Гулмира, Самиева Айсана, Айдарова Жыпаргүл жана Психология кафедрасынан Кожомкулова Нилюфар жетекчилик кылышат. Алар студенттерге педагогикалык тажрыйба, окутуунун натыйжалуу ыкмалары жана психологиялык өзгөчөлүктөр тууралуу түшүндүрүү иштерин жүргүзүштү.