ОшМУнун Конфуций институтунда кытай иероглифтерин терүү боюнча таймаш өттү

2025-04-02 07:02:14 59

Ош мамлекеттик университетинин Конфуций институтунда кытай тилинде иероглифтерди терүү боюнча сынак өткөрүлдү. Бул таймаш студенттер үчүн жөн гана мелдеш эмес, алардын тездиктиги, тактыгы жана кытай жазмасын өздөштүрүүдөгү чеберчилигин сынаган чоң мүмкүнчүлүк болду. Сынак үч баскычтан туруп, катышуучулар ар бир тапшырмада өз билимин жана шыктуулугун далилдөөгө аракет кылышты: Иероглифти көрүп жазуу, угуп жазуу жана сүрөткө карап жазуу. Таймаш эки деңгээлге бөлүнүп, ар бир студент өзүнүн билимин жана жөндөмүн көрсөтүүгө мүмкүнчүлүк алды. Жыйынтыгында, эң мыкты деп табылган жеңүүчүлөр баалуу белектер жана дипломдор менен сыйланышты. Бул иш-чара студенттердин кытай тилине болгон кызыгуусун арттырып, алардын билимин бышыктоого, тактыкка жана чеберчиликке умтулууга дем берди. Ийгиликке жетүүнүн жолу үзгүлтүксүз эмгек жана аракет экенин дагы бир ирет тастыктаган бул сынак – студенттер үчүн унутулгус окуяга айланды.