Кыргыз-Кытай факультети: Билимден тажрыйбага

2025-04-02 04:25:52 40

Кыргыз-Кытай факультетинин Кытай таануу жана лингвистика багытындагы студенттери үчүн жаңы мүмкүнчүлүктөрдүн эшиги ачылды. Окуу-өндүрүштүк практикасына чыгуу алдында алар чакан конференция өткөрүп, алдыдагы тажрыйба алмашуу процесси тууралуу талкуу жүргүзүштү. Конференцияга Кыргыз-Кытай факультетинин кафедра башчысы Алымбекова Венера, практиканын жетекчилери Алтынбеков Авазбек, Абдыкаарова Турдукан жана Эргешбаева Айжамал катышып, студенттерге маанилүү кеңештерин беришти. Кытай таануу багытынын студенттери 31-марттан 12-апрелге чейин, ал эми лингвистика багытындагы студенттер 7-апрелден 10-майга чейин практикадан өтүшөт. Бул убакыт аралыгында алар теориялык билимдерин иш жүзүндө сынап, кесиптик чеберчилигин арттырууга мүмкүнчүлүк алышат. Бул практикалык этап – алардын келечектеги адистик жолунда маанилүү кадам болору шексиз.