2023-2024-окуу жылынын 29-март күнү Кыргыз-Кытай факультетинде "Иш берүүчүлөр аркылуу практикада кесиптик компетенциялардын калыптануусу" аттуу семинар өткөрүлдү.

2024-04-19 00:16:27 125

2023-2024-окуу жылынын 29-март күнү "Иш берүүчүлөр аркылуу практикада кесиптик компетенциялардын калыптануусу" аттуу семинар өткөрүлдү. Семинарга ОшМУнун практика жана карьера борборунун башчысы, мектеп директорлору, билим берүү уюмдарынын өкүлдөрү жана факультеттин окутуучулары катышты. Коноктордун катарында: ОшМУнун практика жана карьера борборунун улук инспектору – Маткалыков Азирет-Али Салайдинбекович; Ош шаарынын №18-А Навои атындагы мектеп-гимназиясынын директору – Акматов Жоомарт Алдыраманович; "Рекорд" Аналитикалык билим берүү уюмунун директору – Акбарали уулу Керимберди; Өзгөн районунун №14 Абдулла Тангатаров орто мектебинин директору – Кеңешбаева Элмира Абдибатановна; ОшМУнун "Билим" лицейинин директору – Кубанычбек уулу Нурсултан; ОшМУнун "Ыйман" гимназиясынын директору – Маматов Талант Кошбаевич; "Вавилон" окуу борборунун директору – Назарова Турганжан Абдыбаповна; №28 "Учар" орто мектебинин директору – Тажиматов Самат Салайдинович; ОшМУнун "Кара-Суу" гимназиясынын директору – Суюнбаева Мадина Суюнбаевна. ОшМУнун практика жана карьера борборунун башчысы Матикеев Т.К. факультетте жогорку деңгээлде уюштурулган семинар болуп жатканын белгилеп, практикага чыгуу боюнча айылдык аймактарга уруксат берүү маселеси каралып жатканын айтты. Иш берүүчүлөр "Англис тилин окуган студенттердин практикага чыгуу абалы жана көйгөйлөрү" темасында талкуу өткөрүштү. Мектеп директорлору практиканын саатын көбөйтүү, студенттердин практикага даярдыгын жакшыртуу, окутуу программасына психология, педагогика жана методика сабактарын кошуу сунуштарын айтышты. Ошондой эле практиканттардын компетенттүүлүгүн жогорулатуу жана университет менен мектептин программаларын шайкеш келтирүү маселелери талкууланды. Семинардын жүрүшүндө төмөнкү сунуштар айтылды: Практика саатын көбөйтүү; 2-курстар үчүн адаптациялык практиканы кошуу; Кытай бизнес адистигин ачуу; Практиканттар үчүн этика эрежелерин бекемдөө; Дневникти карап чыгуу; Психология, педагогика жана тиешелүү сабактарды көбөйтүү; Практиканы педагогикалык багытка буруу. Бул сунуштар Окумуштуулар кеңешинде талкууланып, кабыл алынды. Семинар жогорку деңгээлде өткөндүгү белгиленип, иш берүүчүлөрдүн сунуштары канааттандырарлык деп табылды.